مرحبا
اني تبارك من بغداد خريجة هندسه اتصالات الحاسوب قررت اشترك بتحدي ال29 يوم مع مرتضى التميمي بتعلم اللغه الانكليزيه واحد من احلامي احجي انكلش بطلاقه عندي حب وشغف كبير لهاي اللغه
عندي معلومات بسيطه بهاي اللغه حاليا.. المعلومات الي درسناها بالمدرسه والكليه مع الاسف بمرور الايام والسنين نسيتهم حاولت قبل فتره ادخل معاهد لتقويه اللغه بس المسافه ووقت الدورات مكدرت ادخلها
دااحاول بهاي التحدي اتذكر واتعلم مفردات وكلمات جديده حتى اوصل لمرحله اباوع الافلام بدون ترجمه وايضا القدره على التعبير والتكلم
هاي اللغه رح تفيدني كولش ان شاءالله اول شي اتقوي السيفي مالي وهم اخذ شهادة IELTS حتى احصل ع منحه باوربا واكمل ماستر وهذا واحد من اهدافي الي رح احققها وهذا بدايه المسار والرحله وايضا حتى اتعرف ع ناس ويصير عندي اصدقاء من مختلف الثقافات
هذا الانجاز رح يعزز ثقتي بنفسي اكثر وينطيني حافز اتقدم واثبت لنفسي اني قادره احقق اى هدف اريده وايضا حتى افوز بالتحدي واحصل سفره لتركيا
دا اتعلم اللغه كمبتدئ من خلال تطبيق Zamerican english وايضا من خلال قنوات يوتيوب تعليميه وقنوات قصص ولايف ستايل مثل learn English with Tv Series & Nas Daily & CaseyNeistat وغيرها من القنوات ... وايضا التعلم من خلال مشاهدة الافلام والمسلسلات الاجنبيه
صراحه وهذي اول مدونه انشرها احس بقدره اكبر ع التعبير وثقه بالنفس اكثر والجاي احلى واحسن ان شاءالله ....
