صارلي عشر ايام مشتركه بتحدي 29 اليوم مع مرتضى التميمي بتعلم اللغه الانكليزيه واجادتها
جنت اعرف كلمات متفرقه وقليله وقسم جنت ناسيتهم بس هدفي هو متابعة الافلام الاجنبيه بدون ترجمه والتحدث بصوره جيده
خلال هاي العشر ايام لاحظت اني اشوف قصص قصيره باللغه الانكليزيه بدون ترجمه وايضا فديوات لايف ستايل افتهمها بشكل جيد
دا استخدام تطبيق Zamericanenglish كولش فادني ودتعلم منه اهوايه قواعد جنت مفتهمتها خطأ واللفظ الصحيح للكلمات وايضا استخدمت هذه القناة بيها فديوات قصيره جدا ممتعه واخذ منها معلومات جديده وايضا بما انو اني احب اتابع الانترفيوز للمشاهير هذه القناة حلوه بيها اهوايه هيجي فديوات دا اقضي 3 ساعات او اكثر شويه كل يوم بالتعلم
طبعا مشاعري مختلطه بهاي التحدي كولش فرحانه بنفسي وفخوره ثقتي بنفسي زادت كولش ومن جهه ثانيه اخاف اتراجع وتقل عزيمتي وارادتي وما اكمل التحدي بس من اتذكر هدفي الاكبر وهو الحصول ع شهادة IELTS والقبول في منحه باوربا او كندا واستراليا وايضا زيارة بلدان العالم والتعرف ع اناس من مختلف الثقافات استمر وبحماس
اتعلمت من خلال هذا التحدي انو اني عندي قدرات مجنت اعرف بيها ومتفأجاه من نفسي بالسرعه الي تعلمت بيها وايضا اكتشفت قابليتي ع تأليف القصص القصيره اكيد باللغه الانكليزيه طبعا اني كولش كولش فرحانه بنفسي وهذه احدى القصص
طبعا اني جدا ممتنه لرب العالمين الي خلاني اشوف حساب مرتضى واشارك ويا بالتحدي وممتنه لامي الي واكفه ويايه بكل حياتي وممتنه لاخويه القاسم الي دا اتعلم منه الصبر والامل والتفائل بالحياه على الرغم من مرضه( شلل رباعي ) .
ليست هناك تعليقات:
إرسال تعليق