يا هله يا هله
شلونكم يابه شخباركم وياكم تبارك من تحدي ال 29 يوم مع مرتضى التميمي بتعلم اللغه الانكليزيه واجادتها .
هدفي وهو احلى هدف بالنسبه الي كان وما يزال تعلم مفردات جديده وتذكر القديمه من اللغه الانكليزيه وايضا القدره على التحدث حتى اتأهل لامتحان IELTS واحصل منحه ب اوربا واكيد حتى اتعرف ع اناس وأكون صداقات من ثقافات جديده
هذا التحدي الجميل خلاني ارجع اتذكر قدراتي ع التحدي مع نفسي بالالتزام والصبر ع تعلم الجديد وخلاني اعرف اهوايه شغلات عن نفسي من موهبه وقدرات مجنت اعرف بيها وانو ماكو مستحيل الانسان اذا راد شي رح يسوي بفتره قياسيه رغم ظروفه مهما كانت حطيت جهدي وتركيزي شكد ما اكدر بهاي التحدي اني جدا فرحانه بنفسي وسعيده اشتركت وياكم
حاليا دا استخدم نفس المصادر بالتعلم سواء كان تطبيقات او channels على اليوتيوب وبتطبيق zamerican english وصلت لهنا
هاي التحدي ساعدني اعرف عندي موهبة الكتابه رغم بعدني بالبدايه وهاي قصه بسيطه من تأليفي باللغه الانكليزيه
طبعا اني واثقه رح احقق هدفي بنهاية التحدي واني من هسه دا اشوف تقدم ملحوظ.. ما عندي نيه اغير خطة الدراسه مالتي لان دا اشوفها مفيده بس اريد اضيف عليها شي وهوانو كل يوم اكتب شنو ايصير ويايه يعني مذكراتي باللغه الانكليزيه لان جربته وشفته كولش مفيد الي .
بالاخير اني ممتنه لله على نعمة الصحه وعلى مساعدة اختي الي وعلى توفر التكنولوجيا بحياتنا .
